தூத்துக்குடி: அ.தி.மு.க., கூட்டணியில் இடம்பெற்றுள்ள புதிய தமிழகம் கட்சிக்கு 2 இடங்கள் ஒதுக்கப்பட்டுள்ளன. இதில் தூத்துக்குடி மாவட்டம் ஒட்டபிடாரம்(தனி) தொகுதியில் கிருஷ்ணசாமி போட்டியிடுகிறார். தேர்தலில் அவருக்கு டி.வி., பெட்டி சின்னத்தை தேர்தல் ஆணையம் ஒதுக்கியுள்ளது. பதிவு பெற்ற கட்சியின் அடிப்படையில் டி.வி. பெட்டி சின்னத்தை ஒதுக்கியதாக தேர்தல் ஆணையம் தெரிவித்துள்ளது. இதுகுறித்து கிருஷ்ணசாமி கூறியதாவது, தேர்தலில் அ.தி.மு.க., கூட்டணி மகத்தான வெற்றி பெறும் என்றும், தங்களது கட்சியின் தேர்தல் அறிக்கை வருகிற ஏப்ரல் 1ம் தேதி வெளியிடப்படும் என்று கூறினார். இதனிடையே நிலக்கோட்டை தொகுதியில் போட்டியிடும் இவரது கட்சியின் மற்றொரு வேட்பாளருக்கு இன்னும் தேர்தல் சின்னம் அறிவிக்கப்படவில்லை. அங்கும் இவர்கள் டி.வி. சின்னத்தை கேட்டுள்ளனர். ஆனால் அதேதொகுதியில் வேறொருவர் இந்த சின்னத்தை கேட்டு வருவதால் இன்னம் இறுதி செய்யப்படவில்லை.
No comments:
Post a Comment