நெல்லை மாவட்டத்தை பொருத்தவரை 10 தொகுதிகளிலும் 11 ஆயிரத்து 500 அரசு ஊழியர்கள், மற்றும் ஆசிரியர்களுக்கு தேர்தல் பணியில் ஈடுபட தேவையான முதல் கட்ட பயிற்சி நேற்று அளிக்கப்பட்டது. 2வது கட்ட பயிற்சி வரும் ஏப்ரல் 3ல் அளிக்கப்படுகிறது. வரும் ஏப்ரல் 12ம் தேதி மதியம் முதல் அந்தந்த சட்டசபை தொகுதிகளில் உள்ள ஓட்டுச்சாவடிகளில் பொறுப்பேற்க வேண்டியுள்ளதால் அரசு ஊழியர்கள், ஆசிரியர்கள் வசதிக்காக ஏப்ரல் 3ம் தேதி பயிற்சி நாளன்றே தபால் ஓட்டுகளை போட ஏற்பாடுகள் செய்யப்பட்டுள்ளன.
மாவட்டத்தில் பதற்றமானவையாக கண்டறியப்பட்ட 450 வாக்குச்சாவடிகளில் பயன்படுத்தும் வகையில் லேப்டாப்கள் தேர்தல் பிரிவு மூலம் வழங்கப்படுகிறது. இது சம்பந்தமான சோதனை பணிகள் கலெக்டர் அலுவலகத்தில் நடந்து வருகிறது. வாக்குப்பதிவுக்கு முன்னதாக அந்தந்த ஓட்டுப்பதிவு மையங்களில் லேப்டாப்களை பொருத்த அதிகாரிகள் நடவடிக்கை எடுத்து வருகின்றனர்.
No comments:
Post a Comment