நாளை பால் உற்பத்தியாளர்கள் போராட்டம்

ஆத்தூர் : தமிழகம் முழுவதும் நாளை பால் உற்பத்தியாளர்கள் போராட்டம் திட்டமிட்டபடி நடைபெறும் என கூட்டுறவு பால் உற்பத்தியாளர்கள் சங்கத் தலைவர் செங்குட்டுவன் தெரிவித்துள்ளார். இது குறித்து செய்தியாளர்களிடம் அவர் பேசியதாவது : பால் உற்பத்தியாளர்கள் போராட்டம் நாளை திட்டமிட்டபடி தமிழகம் முழுவதும் நடைபெறும்; பால் விலை உயர்த்தப்பட்டதை கண்டித்தும், தனியார் பால் நிறுவனமும் மாவட்ட நிர்வாகமும் விடுத்துள்ள மிரட்டலை எதிர்த்தும் இந்த போராட்டம் நடத்தப்படுகிறது; தனியார் பால் உற்பத்தியாளர்கள் வழக்கம் போல் செயல்படலாம்; பால் உற்பத்தியாளர்கள் சங்கம் சார்பில் விடுக்கப்பட்டுள்ள 2 கோரிக்கைகளையும் அரசு உடனடியாக ஏற்க வேண்டும்; இந்த போராட்டத்தில் பால் உற்பத்தியாளர்களுடன் விவசாய சங்கத்தினரும் பங்கேற்க உள்ளனர். இவ்வாறு அவர் தெரிவித்துள்ளார்.