தமிழக மீனவர்களுக்கு ஆயுதம் கேட்டு மண்டபத்தில் "போஸ்டர்'

மண்டபம்: தமிழக மீனவர்களுக்கு ஆயுதம் வழங்குமாறு, மண்டபம் பகுதியில் போஸ்டர்கள் ஒட்டப்பட்டுள்ளன. இலங்கை கடற்படையால் 530க்கும் மேற்பட்ட தமிழக மீனவர்கள் சுட்டு கொல்லப்பட்டுள்ளனர். சமீபத்தில் ஜெகதாப்பட்டினம் மீனவர் பாண்டியன் கொல்லப் பட்டார்.வேதாரண்யம் மீனவர் ஜெயக்குமாரை கயிற்றால் கட்டி இழுத்தபோது கழுத்தில் அறுபட்டு இறந்தார். இச்சம்பவங்கள் மீனவர்கள் மத்தியில் கொந்தளிப்பை ஏற்படுத்தின. இந்நிலையில், தமிழக மக்கள் பொருளியல் உரிமைக்கழகம் சார்பில், மண்டபம் பகுதியில் போஸ்டர் ஒட்டப்பட்டுள்ளது. அதில், "தமிழக மீனவர்களின் 20 படகுகளுக்கு ஒரு கடலோர காவல்படை படகுடன் வீரர்களை பாதுகாப்புக்கு அனுப்ப வேண்டும், மீனவர்களின் பாதுகாப்புக்கு ஆயுதம் வழங்க வேண்டும் என, அச்சிடப்பட்டுள்ளது.